Summ- und Brumm-Lied

1930

Wie muss et doch vör fuffzig Johre janz anders sin jewäs wie hück.
Su manchen Ahl met weiße Hore deiht strunzen op die jolde Zick.
Em Zemmer soß am heiße Ovve der Ahl un schmorten do de Pief.
Un wohd dann leis e Leed jesunge, dat wor der schönste Zickverdriev.
Die Ahl däht summe, dä Ahl däht brumme en allerschönster Harmonie.

(Summen:) Hmhmhmmm, hmhmhmmm
Die jolde Zick, die kütt nit mie!

En kölsche Weetschaff, dat weiß jeder, ahn un vör sich doch seltsam es.
Schon die Bedienung vör ne Fremde en Neuigkeit bliev janz jewess.
Am schönsten es dä Weet jo selver, dä ahn der Thek kei Wöötche säht.
Blos vun dä enjenomme Jrosche su hösch die Eifeltürmche mäht.
Ne Weet vun Kölle, dä deiht blos zälle un denk: "Wat jon de Jäss mich ahn?"

(Summen:) Hmhmhmmm, hmhmhmmm
Wenn ich blos Häufjer maache kann.

E jolde Woot, dat es de Liebe,wenn mer jung weed karesseet.
Denn es mer sechzehn oder siebzehn, weed schon op Mädcher spekuleet.
Doch en der Liebe nit die Dömmste, dat sin die Ahlen immerhin.
Em Jejendeil, et sin de Schlemmste, wenn die en weiße Schützel sin.
Denn noh de Wädcher, der nette Mädcher do denk un loht mänch ahlen Här.

(Summen:) Hmhmhmmm, hmhmhmmm
Wenn ich doch nit verhierot wör.

Em Himmelsfinster looche neulich, et hatten Langewiel die drei,
dä ahle Wellem, Bismarck, Moltke, do flog der Zeppelin vörbei.
Wat sich jeändert han die Zigge, jetz hät hä fähdig, wat hä wollt,
do wähde vill Jeseechter schnigge, wenn et zum Kreg et kumme sollt.
Nä su zo fleeje es e Verjnöje, su han die drei jedaach, jesaat.

(Summen:) Hmhmhmmm, hmhmhmmm
Dat hät hä wirklich jot jemaht.

Partituren und Noten


Summ- und Brumm-Lied

Unsere Partner

AWB
DB S Bahn Köln
Deiters Karnevalsshop
DELTAX
Die Feiermacher
Festkomitee Kölner Karneval
Gilden Kölsch
JTI
Leihäuser Kemp
Lindner Hotels & Resorts
Landschaftsverband Rheinland
rent audio
Sion Kölsch
Tanzgruppe Kölsch Hännes'chen 1955 e. V.
TUEG Schillings GmbH
WDR
© 2016 Willi Ostermann Gesellschaft Köln 1967 e. V.. Alle Rechte vorbehalten.