Och, dann freut sich die Mama

Jedes Johr em Januar · Marschlied 1929

Jedes Johr em Januar un em Monat Februar
kribbelt krabbelt jedemein et jehörig en de Bein.
Denn op manche Festlichkeit sich dä Kölsche freuen deiht.
Karneval, jedenfall, es jet för uns all.
Un kütt wie fröh'r dä Zoch, hurra! met Zimtaratata.

Och dann freut sich die Mama un dann freut sich die Tant
un dä Papa deiht juhze, et wackelt die Wand.
Et Stina, et Mina, die Jroß un die Jott
un dä Ohm sitz em Sessel un laach sich kapott!

Jeder hät för Lotterie en jewesse Sympathie,
weil dodurch dä ärmste Mann Millionär schnell wäde kann.
Schreit ens einer durch et Huhs: "saht, Ihr sitt m'em Los eruhß!"
Lauft schnell hin, dä Jewinn kann en Villa sin.
Un brängk d'r Henn dann als Jewenn e Bilderbooch eren:

Och dann freut sich die Mama....

Wenn e Pärche janz jewess zwanzig Johr verhierot es,
un trotz aller Seligkeit keiner Papa, Mama schreit,
schnell vorüvver es die Sorg, denn wenn unverhoff der Storch
kräftig klopp un 'ne Stropp brängk de Trapp erop.
Un hät dat Kind dann en d'r Weeg däm Vatter si Jeseech,

Och dann freut sich die Mama....

Partituren und Noten

Och, dann freut sich die Mama

Unsere Partner

AWB
DB S Bahn Köln
Deiters Karnevalsshop
DELTAX
Die Feiermacher
Festkomitee Kölner Karneval
Gilden Kölsch
JTI
Leihäuser Kemp
Lindner Hotels & Resorts
Landschaftsverband Rheinland
rent audio
Sion Kölsch
Tanzgruppe Kölsch Hännes'chen 1955 e. V.
TUEG Schillings GmbH
WDR
© 2016 Willi Ostermann Gesellschaft Köln 1967 e. V.. Alle Rechte vorbehalten.