Die Mähd, die muß am Huhs eruhs

Rheinländer 1911 - M: Emil Neumann

Et „Tekela“, wat Johr un Dag bei fremde Lück em Deens,
wor fließig, doch en letzter Zick nit richtig em Jeheens.
Un eines Dags, wat meint ihr wahl, wie et sing Flaage kräch,
do danzten et wie jeck eröm doheim mem Stivvelknäch.
Jrad su beim Schwenken em Jalopp kütt die Madam eren
un säht: „Do höht doch alles op, wat fällt däm Schlötchen en!“

Die Mähd, die muss am Huhs eruhs, am Huhs eruhs!
Dat hält met der kei Pähd mie uhs, kei Pähd mie uhs!
Die danz Ballett mem Stivvelsknäch, mem Stivvelsknäch!
Die Mähd, die hät ne Fimmel kräch, ne Fimmel kräch!

„Och leeve Mann“, su säht die Frau, „dat häts do müsse siinn!
Uns „Tekela“ mem Stivvelsknäch als Walzerkönijin!
Wie durch et Zemmer et jerannt un wie jelaach it hät,
un wie et dann en einem fott beim Danze reef: Ballett!
Dat kann doch su nit vöran jonn, wat mir jetz ahn de Jäng,
dröm dunn mer dä Jefalle, Mann, un maach dem Ding en Eng!“

Die Mähd, die muss am Huhs eruhs...

Dä Mann, dä säht: „No bes ald stell, wenn et sing Arbeit deiht,
dann loss et höppe, wie et well, verdirv ihm nit die Freud!“
Dat wor für fünf Minute jet, su meint dä jode Mann,
do reef e Kind de Trapp erop: „Et es ald widder dran!“
Un richtig, wie ne Heizefeiz hät et sing Sprüng jemaht.
drop säht die Frau: „No sühs do't jo, wat han ich dir jesaht!“

Die Mähd, die muss am Huhs eruhs...

Ne Düxer Kürassier allein wor an dem Unjlöck schold,
weil absolut vum „Tekela“ hä nix mie wesse wollt.
Und wenn ihr Nachts erschienen ist der Kürassier im Traum,
för lauter Freud des morjens fröh schleit it d'r Kucklenbaum.
Wie letz it för d'r Huhshär säht: „Mein Alles, du mein Glück!“
Schnell die Madam d'r Schrübber nohm, jetz wor et ävver Zick!

Die Mähd, die muss am Huhs eruhs...


Partituren und Noten


Die Mähd, die muß am Huhs eruhs

Unsere Partner

AWB
DB S Bahn Köln
Deiters Karnevalsshop
DELTAX
Die Feiermacher
Festkomitee Kölner Karneval
Gilden Kölsch
JTI
Leihäuser Kemp
Lindner Hotels & Resorts
Landschaftsverband Rheinland
rent audio
Sion Kölsch
Tanzgruppe Kölsch Hännes'chen 1955 e. V.
TUEG Schillings GmbH
WDR
© 2016 Willi Ostermann Gesellschaft Köln 1967 e. V.. Alle Rechte vorbehalten.